آآآه لو تدري بغلاك "
مثل طفل كان يبكي عاش قلبي في لقاك
كان يبكي كل لحظه رغم انه في يديك
كنت احاول كل وقتي ما ابي دموعي تراك
ما ابيك تحس ان الحزن ما خذني شريك
ودي انسى فراق بكره ما ابي لحظه بلاك
كيف اعيش ايام عمري وكل ما فيني يبيك
واتناسى كل حزني دام هالحظه معاك
وقلبي يخذلني ويبكي ويتركك لحظه ويجيك
واتعمد ابتسم لك ما ابي الا رضاك
وكل جفاف الكون فيني بس احاول ارتويك
كنت احاول اعترف لك آآآه لو تدري بغلاك
بس ناضر في عيوني بكل نظره احتويك
وبس تأكد ان قلبي وعالمي كله فداك
وان فراقك غصب عني ما بغيته يحتويك
واخذلتني كل همومي وبينت شيء خفاك
ومن كثر ماني حزينٍ صار حزني يعتليك
ودعوني واتركوني لحظة اذكر وفاك
واذكر انك في عيوني بس ما اقدر اجيك
فرقونا يوم كنا احلى من ذاك الملاك
واتركو الحسره بقلبي تنتقل مني وفيك
ايه احبك لو تصدق واغلى ما عندي هواك
واقسم اني يوم ابكي كانت السبه يديك
