ماعاش والله من يفكر يزعلك
ما جابته للحين يا عمري أمه
مفروض يحمد ربه اللي يقابلك
سمه غرور اللي تسميه سمه
إن قلت كامل.. الله اللي مكملك
الزين يا إنت أخوه.. ياولد عمه
بالحلا والدلال محدٍ يعادلك
وإنت عندي دايم الدوم قمه
تاج(ن) على راسي ولحدٍ ينزلك
دام حبك ساري(ن) بقلبي ودمه
ويا بخت من يقدر إنه يواصلك
ينسى التعب والشقى ويزول همه
واللي يحاول إنه مره يضايقك
بيذوق مني المر والحزن يضمه
وإن كان باقي حزن(ن) بخاطرك
بأعطيك من فرحي وجرحك ألمه